महिलाहरु विषेश पर्व हरितालिका तिजको अवसरमा मध्यविन्दु नगरप्रमुख रानाद्वारा नगरबासिमा शुभकामना

 महिला हरुको सबै भन्दा महत्त्वपूर्ण पर्व हरितालिका तिजको अवसरमा मध्यविन्दु नगरपालिका प्रमुख चन्द्रबहादुर रानाले सम्पुर्ण नगरबासिमा शुभकामना सन्देश दिएका छन।उनले दिएको शुभकामना सन्देशको सार  :                                                                          "महिलाहरुको बिशेष पर्व हरितालिका तीज २०७७ को पावन अवसरमा नगर, स्वदेश तथा विदेशमा रहनुभएका सबै नेपाली दिदीबहिनीहरुमा हर्षोल्लास, सुख, शान्ति, समृद्धि, आपसी एकता, पारिवारिक सद्भाव एवं सुस्वास्थ्य र दीर्घ जीवनको हार्दिक शुभकामना व्यक्त गर्दछु । सांस्कृतिक सहिष्णुता र सामाजिक एकताको प्रतीकका रूपमा रहेको यस पर्वमा नेपाली दिदिबहिनिहरुले आफ्नो सौभाग्य र परिवारजनको समृद्धिका लागि व्रत बसेर भगवान् शिव–पार्वतीको पूजा आराधना गर्ने प्रचलन रहि आएको छ । यस्ता पर्वले नेपालीहरूलाई एकताको सूत्रमा आबद्ध गर्दै धार्मिक सहिष्णुता तथा सद्भाव कायम गर्न र एकआपसमा घरमा नै बसी सामाजिक दुरी कायम गर्र्दै खुसी साटासाट साथै विकृती एवम् फजुल खर्च रहित रुपमा मनाउन आग्रह गर्दछु। लोकतान्त्रिक संस्कार र सँस्कृतिको विकासका लागि यस्ता चाडपर्वहरु उपलब्धिमुलक वन्न सकुन भन्ने विश्वास ब्यक्त गर्दछु। दिदिबहिनिहरु माइतिमा भेट भै सुख दु:ख साटासाट गर्ने पर्व भएतापनि बिश्वलाई नै आक्रान्त बनाएको कोभिड - १९ को कारणले सजग भै आफ्नो र आफन्तिजनको स्वास्थ्यको समेत जोखिम बुझि विगतमा जस्तै यस वर्ष तीजलाई रमझम, मनोरञ्जन, हर्षोउल्लास्, भिड्भाड् र बिबिध कार्यक्रम गरी नमनाई, आफ्नो यथास्थानमा नै बसी कोभिड - १९ महामारी रोकथाम तथा नियन्त्रणमा सहयोग पुर्याउन सम्पूर्ण नगरवासिहरुमा हार्दिक अनुरोध गर्दछु। धन्यवाद। नमस्ते